Дуюмин фестивали автомобилҳои қадима

Душанбе, 3 сентябр.(АМИТ “Ховар”, Марзия Саидова).- 21 сентябри соли равон дар пойтахти ҷумҳурӣ -шаҳри Душанбе дуюмин фестивали автомобилҳои коллексионӣ доир мегардад. Дар ин бора шаҳрдори Душанбе-Маҳмадсаид Убайдуллоев қарори марбута ба имзо расонид. Қарори раиси шаҳр бо инобати муроҷиати роҳбари гуруҳи ташаббусии дӯстдорон ва соҳибмулкони ретро- автомобилҳои шаҳри Душанбе Артём Гейвандов ва бо назардошти мактуби шуъбаи Бозрасии давлатии автомобилии Раёсати Вазорати корҳои дохилӣ дар шаҳри Душанбе  ба тасвиб расидааст.
          Дуюмин фестивали автомобилҳои коллексионӣ дар майдончаи назди роҳи ҳалқавии бурриши кӯчаи Карамов ва хиёбони Ҳофизи Шерозӣ аз соати 9:00 то 12:00-и 21 сентябр ташкил карда мешавад.