Иштироки Эмомалӣ Раҳмон дар Ҷаласаи навбатии Шӯрои амнияти дастаҷамъии давлатҳои аъзои СААД
Душанбе, 24 сентябр (АМИТ «Ховар»).- Дар шаҳри Сочии Федератсияи Русия ҷаласаи навбатии Шӯрои амнияти дастаҷамъии давлатҳои аъзои Созмони Аҳдномаи амнияти дастаҷамъӣ (СААД) баргузор гардид.Барои иштирок дар ин ҳамоиш сарони давлатҳои аъзои ин созмон – Арманистон, Беларус, Русия, Тоҷикистон Қирғизистон ва Сарвазири Қазоқистон ҷамъ омаданд.Тавре аён гардид, яке аз масъалаҳои асосии ҷаласа кумаки давлатҳои аъзои Созмони Аҳдномаи амнияти дастаҷамъӣ ба Тоҷикистон барои пурзӯр намудани ҳифзи марзи давлатӣ бо Афғонистон буд. Ин масъала дар бастагӣ ба бароварда шудани нерӯҳои байналмилалии посдори сулҳ аз Афғонистон дар соли 2014 пешниҳод шудааст.Президенти Ҷумҳурии Тоҷикистон Эмомалӣ Раҳмон зимни суханронии худ ба натиҷаҳои кори гурӯҳи коршиносони СААД, ки муддате дар сарҳади миёни Тоҷикистону Афғонистон ниёзмандиҳои Қӯшунҳои марзии кишвари моро мавриди омӯзиш қарор дода буданд, баҳои баланд дод. Изҳори боварӣ карда шуд, ки “кунун мо ба марҳилаи расондани кумаки амалии ҳарбию техникӣ ба Тоҷикистон барои пурзӯр намудани ҳифзи марзи давлатӣ бо Афғонистон ворид мешавем”.Сарони дигар давлатҳои аъзои созмон низ зарурати қабули қарори дахлдорро дар ин бора тасдиқ намуданд.Ҳамин тариқ дар охири ҷаласа як қатор қарорҳои муҳим аз ҷониби сарони давлатҳо ба имзо расид, ки яке аз онҳо қарори Шӯрои амнияти дастаҷамъии давлатҳои аъзои Созмони Аҳдномаи амнияти дастаҷамъӣ дар бораи кумаки ҳарбию техникӣ ба Қӯшунҳои марзии Тоҷикистон мебошад.Зимни изҳороти матбуотӣ Президенти Федератсияи Русия Владимир Путин бори дигар ба авзои кунунӣ ва ояндаи Афғонистон таваҷҷуҳи ҷиддӣ зоҳир намуда, таъкид дошт, ки давлатҳои аъзои Созмони Аҳдномаи амнияти дастаҷамъӣ ва хусусан Русия ба Тоҷикистон кумаки амалию воқеиӣ мерасонанд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
