Мулоқоти А. Ширинов бо намояндагони Бонки ҷаҳонӣ
Душанбе, 24 сентябр. (АМИТ «Ховар»). — Дар мулоқоте, ки имрӯз, 24 сентябри соли равон раиси Бонки миллии Тоҷикистон Абдуҷаббор Ширинов бо ҳайати Бонки ҷаҳонӣ таҳти сарварии роҳбари бахши хусусӣ ва молиявии бонки номбурда оид ба минтақаи Аврупо ва Осиёи марказӣ Палома Анос Касеро баргузор намуд, масъалаҳои ҳамкориҳои мавҷудаи дуҷонибаи судманд ва дурнамои онҳо мавриди муҳокима қарор гирифтанд. Аз ҷумла, дар ҷараёни вохурӣ ва мулоқоти муфид ҷонибҳо аз натиҷаҳои хуби ҳамкориҳои коршиносони Бонки ҷаҳонӣ ва Бонки миллӣ дар бахши назорати бонкӣ, навсозии низоми пардохти Бонки миллии Тоҷикистон ёдовар шуда, иброз намуданд, ки дар ин ҷода таҷрибаи бой ва қобили дастгирӣ ба даст омадааст. Дар мавриди дурнамои идомаи муносибатҳои дуҷониба хонум Палома Анос Касеро ва Абдуҷаббор Ширинов ҷонибдории худро барои дар амал татбиқ намудани Лоиҳаи бахши молиявӣ, ки яке аз ҷузъҳои он инкишоф ва назорати бозори суғуртаро дар бар мегирад, баён карданд. Ҳамчунин дар ҷараёни баррасии ин масъала изҳор гардид, ки коршиносони Бонки ҷаҳонӣ ва Бонки миллии Тоҷикистон бо мақсади ба даст овардани натиҷаи дилхоҳ болои лоиҳаи номбурда мулоқоту машварат ва музокироти кориро идома хоҳанд дод.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
