Мусодираи героин дар фурудгоҳ
Душанбе, 20 сентябр. (АМИТ «Ховар», Бекназари Абӯбакр). — Рўзи 7-уми сентябри соли равон аз тарафи кормандони Кумитаи давлатии амнияти миллии Ҷумҳурии Тоҷикистон дар «Фурудгоҳи байналмилалии Душанбе» бо гумони даст доштан дар муомилоти ғайриқонунии маводи мухаддир мусофири хатсайри ҳавоии самти «Душанбе-Дубай» шаҳрванди ҶТ Давлатова Парвина Назаралиевна, соли таваллудаш 1983, сокини шаҳри Душанбе, соҳиби 2 фарзанд боздошт гардид. Ҳангоми азназаргузаронии борхалта, ҷузвдони компютер ва сумкаи дастии номбурда аз дохилашон 2 килограмму 700 грамм героин дарёфт ва мусодира шуд.Дар маркази робитаҳои ҷамъиятии КДАМ ба АМИТ «Ховар» иттилоъ доданд, ки агар ин кўшиши муомилоти ғайриқонунии маводи мухаддир аз тарафи кормандони мақомоти амнияти миллӣ сари вақт ошкор ва пешгирӣ намегардид, он ба сатҳи муносибатҳои неку хайрхоҳона, ки феълан Аморати Муттаҳидаи Араб ва Ҷумҳурии Тоҷикистон доранд, таъсири манфӣ расонида метавонист.Айни замон нисбати Давлатова Парвина Назаралиевна парвандаи ҷиноятӣ оғоз карда шудааст, тафтишоти пешакӣ давом дорад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






