Насби 855 дастгоҳи наворгиранда дар 70 чорроҳаи кӯчаҳои марказӣ
Душанбе, 18 сентябр. (АМИТ «Ховар», Лутфия Эшонқулова).- Оид ба лоиҳаи «Шаҳри бехатар», вазъи садаманокӣ ва риояи қоидаҳои ҳаракат дар роҳҳои ҷумҳурӣ 17 сентябр дар Раёсати бозрасии давлатии автомобилии Вазорати корҳои дохилӣ бо иштироки муовини вазири корҳои дохилӣ Саид Ҷӯрахонов, сардори РБДА генерал-майори милитсия Маҳмадсаид Саидов ва масъулини ширкати «Хуавей» нишасти матбуотӣ доир гардид.Иштирокчиён оид ба татбиқи лоиҳаи «Шаҳри бехатар» маълумот дода, зикр намуданд, ки қисми якуми ин лоиҳа моҳи октябри соли ҷорӣ ба охир расида, аз фурудгоҳи шаҳри Душанбе то майдони Сарҳадчиёнро дар бар мегирад.Ҳадаф аз татбиқи лоиҳаи мазкур- ин таъмини бехатарӣ дар роҳҳои пойтахт ва амнияти шаҳрвандон аст.Намояндаи ширкати «Хуавей» Улуғбек Мӯсоев ба воситаи ролики видеоӣ моҳияти системаҳоеро, ки тавассути таҷҳизоти наворгиранда дар чорроҳаҳои шаҳри Душанбе насб мешаванд, ба ҳозирин фаҳмонид.Дар маҷмуъ 855 дастгоҳи наворгиранда дар 70 чорроҳаи кӯчаҳои марказии пойтахт насб шуда, оддитарин қоидавайронкуниҳоро ба навор мегиранд. Ҳамаи ин маълумотҳо ба маркази ягонаи идоракунӣ ирсол гардида, дар хазинаи умумии марказ коркард ва нигоҳ дошта мешаванд.Мавриди зикр аст, ки лоиҳаи «Маҷмааи автоматикунонии идораи нақлиёт ва ҳаракат дар роҳ дар шаҳри Душанбе — «Шаҳри бехатар» дар асоси Созишномаи байни Ҳукумати Ҷумҳурии Тоҷикистон ва ширкати «Хуавей»-и Ҷумҳурии Мардумии Чин дар пойтахти ҷумҳурӣ амалӣ шуда истодааст. Лоиҳаи мазкур ҷиҳати бартарафсозии маҷмӯи мушкилоти раванди ҳаракат дар роҳ мусоидат намуда, ба беҳдошти ташкили ҳаракат дар роҳ, таъмини назорати доимӣ аз рўи ҳаракати воситаҳои нақлиёт ва таъмини тартиботи ҷамъиятӣ дар шаҳри Душанбе мусоидат хоҳад кард.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






