Пешгирии амали террористӣ

Душанбе, 21 сентябр. (АМИТ«Ховар»). — Кормандони мақомоти ҳифзи ҳуқуқ ҳангоми гузаронидани корҳои фаврию ҷустуҷӯӣ амали террористиро пешгирӣ намуданд.Тавре ки сомонаи расмии Вазорати корҳои дохилии ҶТ хабар медиҳад, 24-юми сентябр соати 20:00 ба воситаи Шабакаи аввали Телевизиони Тоҷикистон барномаи махсуси телевизионӣ вобаста ба дастгиршавии гуруҳи муташаккили мусаллаҳи террористӣ, ки аз тариқи пинҳонӣ дар шаҳри Душанбе фаъолият намуда, қасди содир намудани амали террористиро дошт, намоиш дода мешавад.