Созишномаи ҳарбӣ миёни Тоҷикистону Россия барои тасдиқ пешниҳод шуд
Душанбе, 18 сентябр. (АМИТ «Ховар»).-Рӯзи 18 сентябри соли равон Президенти мамлакат дар асоси моддаи 9 Қонун “Дар бораи шартномаҳои байналмилалии Ҷумҳурии Тоҷикистон” Созишнома байни Ҷумҳурии Тоҷикистон ва Федератсияи Россияро дар бораи мақом ва шартҳои будубоши пойгоҳи ҳарбии Россия дар қаламрави Ҷумҳурии Тоҷикистон, ки 5 октябри соли 2012 дар шаҳри Душанбе ба имзо расида буд, барои тасдиқ ба Маҷлиси намояндагони Маҷлиси Олии кишвар пешниҳод кард.Бояд зикр кард, ки дар асоси мувофиқаи пешакии ҷонибҳо ҷиҳати дар маҷмӯъ баррасӣ намудани масъалаҳо қаблан ҷониби Президент барои тасдиқ ба Парлумон Созишнома байни Ҷумҳурии Тоҷикистон ва Федератсияи Россия дар бораи тартиби будубоши шаҳрвандони Ҷумҳурии Тоҷикистон дар қаламрави Федератсияи Россия, ки дар шаҳри Москва 8 феврали соли 2013 ба имзо расидааст, пешниҳод гардида буд.Ҳамчунин, бо қарори Ҳукумат аз 2 майи соли 2013, №199 Созишнома байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҳамкорӣ дар соҳаи интиқоли маҳсулоти нафтӣ ба Ҷумҳурии Тоҷикистон, ки 6 феврали соли 2013 дар шаҳри Москва ба имзо расидааст, тасдиқ гардид.Дар ин бора Котиби матбуоти Президенти Ҷумҳурии Тоҷикистон Абдуфаттоҳ Шарифзода хабар дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






