Ҷамъомад дар мактаби пойтахт

Душанбе, 21 октябр. (АМИТ «Ховар», Анна Мощенко).- Кормандони Агентии назорати маводи нашъаовар зимни ҳамкорӣ бо намояндагони Кумитаи кор бо ҷавонон, варзиш ва сайёҳӣ дар мактаби миёнаи таҳсилоти умумии № 60 – уми шаҳри Душанбе ҷамъомад ташкил намуданд, ки мақсад аз он бо масоили нашъамандӣ шинос намудани хонандагон, ривоҷ додани тарғиботи зидди нашъамандӣ, ҷилавгирии истеъмоли маводи нашъаовар дар байни ноболиғон буд.Дар ин чорабинӣ намояндагони ҳокимияти иҷроияи маҳаллии ноҳияи Синои пойтахт, директорон ва хонандагони синфҳои болоии макотиби таҳсилоти умумии ноҳия ширкат доштанд. Ҷамъомад дар қолаби мубоҳиса сурат гирифта, кормандони Агентӣ аз хусуси хавфи нашъамандӣ ба саломатии ҷавонон нақл карданд.