А.Б.Сиал: «Хостори бо роҳи осоишта ҳал кардани қазия ҳастем»
Душанбе, 28 октябр. АМИТ «Ховар», Марзия Саидова).- Дар робита ба Рӯзи Кашмир, ки дар саҳифаи таърих ҳамчун «Рӯзи сиёҳи Кашмир» сабт шудааст, имрӯз дар Сафорати Покистон дар Душанбе бо иштироки намояндагони илму фарҳанг, васоити ахбори омма ва шаҳрвандони Покистон, ки дар кишвари мо фаъолият менамоянд, ҷамъомад баргузор гардид. Баъд аз намоиши пораи филм, ки марбут ба ҳаводиси Кашмир буд, Амҷад Ҳусайн Б.Сиал- сафири Ҷумҳурии Исломии Покистон дар Ҷумҳурии Тоҷикистон дар назди ҳозирин доир ба ин санаи таърихӣ ва оқибатҳои нохуши он гузориш дод. Дипломати покистонӣ гуфт, қазияи Кашмир аз 27 октябри соли 1947 баъд аз татбиқи нақшаи тақсимот ҳудудӣ, ки аз сӯи Британияи Кабир дар ин минтақа сурат гирифт, сарчашма мегирад. Амҷад Ҳусайн Б. Сиал ҳамзамон аз муборизаҳои озодихоҳонаи мардуми Кашмир дар роҳи ҳимоя ва ҳифзи ҳуқуқҳояшон ва таъмини адолат дар ин минтақа ёдрас намуд. Сафири Покистон доир ба мавқеи кишвараш дар ҳалли қазияи Кашмир табодули назар намуда, гуфт, ки Покистон хостори бо роҳи осоишта ва гуфтушунид ҳал кардани қазияи Кашмир аст ва танҳо дар ин самт мардуми Кашмир метавонанд ояндаи худро муайян созанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






