Фаъолияти назарраси коргоҳҳои дўзандагӣ дар ноҳияи Рашт

Душанбе, 2 октябр. (АМИТ «Ховар», Фарзона Ашӯрмадова).- Бо сабаби дурдаст будани ҷойи зисти кормандони коргоҳи дӯзандагии «Фарангис», масъулини коргоҳ тасмим гирифтаанд, ки ба се ҷамоати деҳот таҷҳизоти худро тақсим намояд.Тавре ки дар ин бора аз Вазорати энергетика ва саноати кишвар хабар доданд, 10 адад дастгоҳи мазкур дар ҷамоати деҳоти Қалъанак, 10 адад дар ҷамоати деҳоти Қалъаи сурх ва 9 адади дигар дар ҷамоати деҳоти Ҳоит ба истифода дода шуд.Ёдрас мешавем, ки коргоҳи дўзандагии «Фарангис» бо 29 адад дастгоҳи дўзандагӣ фаъолияташро дар ноҳияи Рашт аз моҳи июли соли равон ба роҳ мондааст.Ҳамчунин дар шаҳраки Ғарми ноҳияи Рашт корхонаи дўзандагии «Ёқут -2000» бо истифода аз 50 адад дастгоҳи дўзандагӣ дар бинои якошёна фаъолияташро ба роҳ мондааст. Дар коргоҳи мазкур занону духтарони маҳаллӣ дар баробари дўхтани маҳсулоти гуногуни дўзандагӣ, ҳамзамон ба дўхтани либоси мактабӣ машғуланд. Ҳаҷми истеҳсоли либосҳои мактабии корхонаи мазкур дар давоми як моҳ 850 ададро ташкил медиҳад. Гуфта мешавад, ки муассиси ҶДММ «Ёқут-2000» тасмим гирифтааст, ки корхонаи ноҳияи Раштро ба таври ройгон ба ихтиёри мақомоти иҷроияи маҳаллии ҳокимияти давлатии ноҳияи Рашт супорад.