Хизмат шараф аст

Ҳамадонӣ, 4 сентябр. (АМИТ «Ховар», С. Холов).-Дар рӯзи аввали даъвати тирамоҳӣ ба сафи Қувваҳои мусаллаҳи Ҷумҳурии Тоҷикистон ба комисариати ҳарбии ноҳияи Ҳамадонии вилояти Хатлон ихтиёран 30 нафар ҷавонписар ҳозир гардид. Дар саҳни ҳавлии комиссариати ҳарбии ноҳия маҷлиси ботантана доир гардид, ки дар он намояндагони ҳокимияти давлатии ноҳия, кормандони комиссариати ҳарбӣ, афсарону сарбозон аз қисми ҳарбии ноҳия ва падару модарон иштирок намуданд. Муовини раиси ноҳия ва комиссари ҳарбии ноҳия гуфт, ки сол ба сол афзоиш ёфтани сафи ҷавононе, ки бо ихтиёри худ ба комиссариати ҳарбӣ ҳозир мегарданд, аз беҳтар шудани шароит дар қисмҳои ҳарбии Қувваҳои мусаллаҳи Ҷумҳурии Тоҷикистон ва гузаронидани корхои фахмондадиҳӣ, бедор намудани ҳисси ватандӯстии ҷавонон дарак медиҳад.