Ифтитоҳи варзишгоҳи дорои 4 ҳазор ҷойи нишаст дар ҷамоати деҳоти Сурхи Исфара
Душанбе, 12 октябр (АМИТ «Ховар»).-Дар ҷамоати деҳоти Сурхи шаҳри Исфара бо иштироки Президенти кишвар Эмомалӣ Раҳмон як варзишгоҳи бошукӯҳ ифтитоҳ ёфт.Тавре аён гардид, ин варзишгоҳ дорои майдони калони варзишӣ бо 4 ҳазор нишаст барои тамошобинон ва толори зебои обутоби бадан ва дигар толору утоқҳои зарурӣ аст.Ин иншооти варзишӣ, ки боиси шодию нишоти наврасону ҷавонон ва ҳама дӯстдорони тарзи ҳаёти солим дар ин ҷамоат гардидааст, бо харҷи 2 миллион сомонӣ аз ҷониби соҳибкорони маҳаллӣ Мухтор Ҳомидов ва Сахиюлло Азизов дар муддати кӯтоҳ бунёд ёфтааст.Кунун роҳбарият ва мардуми ин ҷамоат имкон доранд, ки дар варзишгоҳ натанҳо чорабиниҳои васеи варзишӣ, балки тантанаҳои оммавии фарҳангӣ низ ба роҳ монанд.Сарвари давлат Эмомалӣ Раҳмон ифтитоҳи ин варзишгоҳи зеборо ба мардуми ҷамоати деҳоти Сурхи шаҳри Исфара табрику таҳният гуфта, ба соҳибкорони онро бунёднамуда барои дастгирӣ аз сиёсати бунёдкорию созандагии Ҳукумати кишвар ва саҳмгузорӣ дар тарбияи варзишгарони номбардори давлату миллат арзи сипос кард.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






