Интишори гузориш дар мавзӯи «Вазъияти иҷтимоию иқтисодии ҶТ»

Душанбе, 28 октябр. (АМИТ «Ховар», Кристина Эрлих).- Чанд рӯз пеш Агентии омори назди Президенти ҶТ гузориши «Вазъияти иҷтимоию иқтисодии Ҷумҳурии Тоҷикистон» — ро аз чоп баровард, ки он таҳлилро дар заминаи маълумоти аниқ, аз ҷумла маълумоти бахшҳои андозу буҷет, молия, хориҷию иҷтимоӣ, ҳамчунин маълумоти мухтасарро дар бораи кишварҳои ИДМ, иҷрои Қарори Ҳукумати Ҷумҳурии Тоҷикистон аз 27 январи соли 2011 «Дар бораи натиҷаи рушди иҷтимоию иқтисодии Ҷумҳурии Тоҷикистон барои соли 2010 ва вазифаҳои соли 2011» Дар бар мегирад. Назар ба хабари сомонаи расмии Агентии омор, манбаҳои асосии иттилоот барои гузориш иборат аз маълумоти расмии корхонаҳо, муассисаҳо, ташкилотҳо ва аҳолӣ мебошанд. Маълумот бо усули таҳқиқи интихобӣ ва шаклҳои дигари мушоҳидаи омории вазорату идораҳои Ҷумҳурии Тоҷикистон ба даст омадааст. Гузориш барои мақомоти идораи давлатӣ, созмонҳои байналмилалӣ, кормандони соҳаи омор, иқтисоддонҳо, коркунони илмӣ ва мутахассисоне, ки ба маълумоти оморӣ дар бораи рушди Ҷумҳурии Тоҷикистон мароқ зоҳир менамоянд, пешбинӣ шудааст.