Калашников истифодаи таҷрибаи ҳамдигарро муҳим арзёбӣ кард
Душанбе, 3 октябр.(АМИТ «Ховар», Марзия Саидова).- Масоили марбут ба ҳамкорӣ байни Парлумони Тоҷикистон ва парлумонҳои Иттиҳоди Давлатҳои Мустақил /ИДМ/ зимни мулоқоти Шукурҷон Зуҳуров бо ҳайати Комиссияи доимии Ассамблеяи Байнипарлумонии /АБ/ ИДМ дар Душанбе матраҳ гардид. Шукурҷон Зуҳуров сафари ҳайати Комиссияи доимии Ассамблеяи байнипарлумонии кишварҳои узви ИДМ оид ба масоили сиёсати иҷтимоӣ ва ҳуқуқи инсон ба Тоҷикистонро барои тақвияти муносиботи дӯстонаи кишварҳои ИДМ муҳим арзёбӣ намуд. Раиси Маҷлиси намояндагон таъкид кард, ки Парлумони Тоҷикистон ҷиҳати густариши ҳамкориҳо бо Парлумонҳои кишварҳои ИДМ саҳми муносиб гузошта, талош дорад, ки асосҳои ҳуқуқӣ дар ин замина фароҳам оварда шаванд. Дар ин самт санадҳои зиёди танзимкунандаи ҳамкориҳои дуҷониба ва бисёрҷониба ба имзо расидаанд, ки равобити ин кишварҳоро дар соҳаҳои сиёсат, иқтисод, фарҳанг ба танзим медароранд. Шукурҷон Зуҳуров изҳор дошт, ки густариши муносиботи байниҳамдигарӣ дар бахшҳои туризм, иттилоъ ва варзиш барои бештар ошно гардидани мардумони кишварҳои ИДМ аз мавзеъҳои туристӣ ва таърихии кишварҳои якдигар мусоидат менамояд. Сергей Калашников -роҳбари ҳайати Комиссияи доимии Ассамблеяи байнипарлумонии ИДМ оид ба масоили сиёсати иҷтимоӣ ва ҳуқуқи инсон, раиси кумитаи Думаи давлатии Русия аз раванди ҳамкории парлумонҳои ИДМ изҳори қаноатмандӣ намуда, ҳамзамон ба тақвияти ҳарчи бештари ин муносибот таъкид кард. Сергей Калашников гуфт, ки ташрифи ҳайати парулмонҳои ИДМ ба Душанбе ҷиҳати густариши ҳамкориҳои байнипарлумонии кишварҳои ИДМ дар соҳаҳои иҷтимоӣ, фарҳанг, ҳуқуқи инсон мусоидат хоҳад кард. Таъкид шуд, ки истифода аз таҷрибаи якдигар, дар заминаи таҳия ва қабули қонунҳо ва дигар санадҳои муҳими байналмилалӣ барои парлумонҳои кишварҳои аъзои ИДМ муҳим аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






