Мулоқоти масъулини Кумитаи ҷавонон бо фаъолони пойтахт

Душанбе, 10 октябр. (АМИТ «Ховар», Фарзона Ашӯрмадова).-Дирӯз, 9 октябри  соли равон масъулини Кумитаи ҷавонон, варзиш ва сайёҳӣ  бо фаъолону ҷавонони ноҳияҳои Исмоили Сомонӣ ва Шоҳмансури шаҳри Душанбе   вохўрӣ доир  намуданд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар чорабинӣ масъулини кумита, бахшҳои  ҷавонон, занон ва дин, имомхатибон иштирок намуданд. 
Гуфта мешавад, ки дар мулоқоти мазкур иштирокдорон оид ба мушаххасот  ва самараи иҷрои қонунҳои амалкунанда «Дар бораи масъулияти падару модар дар таълиму тарбияи фарзанд», «Дар бораи озодии виҷдон ва иттиҳодияҳои динӣ», «Дар бораи танзими анъана ва ҷашну маросимҳо дар Ҷумҳурии Тоҷикистон» сухан гуфтанд.