Вохӯрии Меҳрнигори Рустам бо Дабири кулли ЮНЕСКО Ирина Бокова

Душанбе, 30 октябр (АМИТ «Ховар»).- Дар радифи натиҷагирии вохӯрии Дабири кулли ЮНЕСКО бо Президенти Чумхурии Точикистон Эмомалӣ Раҳмон Ирина Бокова овозхони ҷавон, боистеъдод ва умедбахши тоҷик Меҳрнигори Рустамро ҷиҳати иштирок дар Форуми 37-уми байналмилалии ҷавонон, ки аз ҷониби ЮНЕСКО ташкил шудааст, ба Фаронса даъват кард, ки он аз 29-то 03 ноябр идома хоҳад ёфт. 30 октябр дар ифтитоҳи Форуми мазкур дар қатори ҷавонони 196 давлати дунё Меҳрнигори Рустам, ки намояндагии ҷавонони Тоҷикистонро ба уҳда дорад, иштирок намуд. Зимни ифтитоҳ Ирина Бокова бо Меҳрнигори Рустам суҳбати кутоҳе низ анҷом дод, ки аз таваҷҷуҳи хоссаи эшон ба сиёсати ҷавонон, сиёсати фарҳангии кишвар ва арҷгузорӣ ба санъати қадимӣ ва волои тоҷик шаҳодат медиҳад.Бояд ёдовар шуд, ки шиносоии аввалини Ирина Бокова бо ин овозхони ҷавон зимни сафари расмиаш ба Тоҷикистон ҳангоми муаррифии сурудҳои миллии тоҷикӣ, аз қабили шашмақомхонӣ ва фалаксароӣ сурат гирифта, баъдан барои нишон додани ин ҳунари аслии тоҷик овозхони ҷавони тоҷик ба Порис даъват шуд.