Вохӯрии роҳбарияти «Амонатбонк» бо намояндагони «Золотая Корона»
Душанбе, 9 октябр. (АМИТ «Ховар», Л. Қосимова). – 8 октябри соли равон намояндагони низоми интиқолии «Золотая Корона» ба «Амонатбонк» омаданд. Мақсади ташрифи меҳмонон вусъат додани ҳамкориҳои дуҷониба миёни «Амонатбонк» ва низоми мазкур буд.
Директор ва муовини директори низоми интиқолии «Золотая Корона» Ситнов Иван Анатолевич ва Шаҳло Қосимова бо раиси Раёсати Бонки давлатии амонатгузории ҶТ (БДА ҶТ) «Амонатбонк» Гулнора Ҳасанова, муовини раиси раёсат Абдуманнон Саидов, сардори идораи ҳисоббаробаркунии бонк ва сардори шуъбаи интиқоли маблағҳои идораи мазкур вохӯрданд. Дар вохӯрӣ масъалаҳои густариши ҳамкориҳои дуҷониба миёни низоми интиқолии «Золотая Корона» ва Амонатбонк баррасӣ гардида, тарафҳо ба хулосае омаданд, ки вусъати ҳамкориҳо- ин ноил шудан ба пешравиҳост.
Тавре ки аз хадамоти матбуотии «Амонатбонк» хабар доданд, низоми интиқолии «Золотая Корона» аз соли 2007 бо БДА ҶТ «Амонатбонк» ҳамкорӣ дошта, то ба имрӯз 174 нуқтаи интиқоли маблағҳо аз «Амонатбонк» бо ин низом пайваст мебошанд. Бо низоми «Золотая Корона» интиқоли маблағҳо аз Тоҷикистон ба хориҷи кишвар низ ба роҳ монда шудааст, ки мизоҷони бонк бе мамониат метавонанд маблағҳояшонро ба дилхоҳ давлати дунё интиқол диҳанд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
