Вохўрии Э. Сангинов бо Ж. Делар

Душанбе, 21 октябр. (АМИТ «Ховар», Л. Қосимова).- Муовини якуми вазири меҳнат ва ҳифзи иҷтимоии аҳолии Ҷумҳурии Тоҷикистон Эмин Сангинов ҳайати лоиҳаи Иттиҳоди Аврупо хонум Жаклин Делар ва намояндагони Иттиҳоди Аврупоро ба ҳузур пазируфт.Зимни вохўрӣ хонум Жаклин масъалаи иҷрои шартҳои ҷудо намудани 9 млн. евро барои дастгирии буҷаи самти ҳифзи иҷтимоиро баррасӣ кард. Дар назар аст, ки миссияи мазкур дар муҳлати 10 рўз ҷараёни ислоҳоти нафақа дар Ҷумҳурии Тоҷикистонро омўхта, барномаи расонидани кўмакҳои унвонии иҷтимоӣ, хизматрасониҳои иҷтимоӣ, бозори меҳнат ва шуғли аҳолиро татбиқ намуда, ба сохторҳои Вазорати меҳнат ва ҳифзи иҷтимоии аҳолии Ҷумҳурии Тоҷикистон ташриф оварда, ин масъалаҳоро ҳамаҷониба мавриди омўзиш қарор диҳад.Тавре ки аз дафтари матбуоти Вазорати меҳнат ва ҳифзи иҷтимоии аҳолии Ҷумҳурии Тоҷикистон хабар доданд, вохўрӣ дар фазои ҳусни тафоҳум баргузор гардида, таклифҳои пешниҳодгардида оид ба ҳамкориҳои минбаъда аз ҷониби тарафҳо дастгирӣ ёфтанд.