Ҳамоиши вазирони корҳои хориҷии Муколамаи ҳамкории Осиё дар Баҳрайн
Душанбе, 26 ноябр (АМИТ «Ховар»).- Ҳайати Ҷумҳурии Тоҷикистон таҳти роҳбарии муовини вазири корҳои хориҷии Ҷумҳурии Тоҷикистон Низомиддин Зоҳидов дар ҳамоиши дувоздаҳуми вазирони корҳои хориҷии Муколамаи ҳамкории Осиё (МҲО), ки дар таърихи 24-25 ноябри соли 2013 дар пойтахти Подшоҳии Баҳрайн шаҳри Манома баргузор гашт, ширкат варзид. Дар ҳамоиши мазкур роҳбари ҳайати Тоҷикистон бо гузориш дар бораи иқдомоти кишвар дар давраи раёсати он дар Муколамаи ҳамкории Осиё баромад карда, диққати ҳозиринро ба пешниҳодҳои Тоҷикистон доир ба таъсиси шабакаҳои ҳамоҳангсозии кишварҳои аъзои МҲО дар масъалаҳои офатҳои табиӣ, ҳамкорӣ дар соҳаи об байни кишварҳои МҲО ва рушди саёҳат дар минтақаи Осиё ҷалб намуд. Маврид ба зикр аст, ки пешниҳодҳои Ҷумҳурии Тоҷикистон аз ҷониби кишварҳои узви МҲО мавриди дастгирӣ қарор гирифта, он дар эъломияи Манома, ки дар фарҷоми ҳамоиши дувоздаҳуми вазирони корҳои хориҷии МҲО қабул гардид, дарҷ ёфт. Дар ҳошияи иштирок дар ҳамоиши дувоздаҳуми вазирони корҳои хориҷии кишварҳои аъзои МҲО вохӯрии роҳбари ҳайати Ҷумҳурии Тоҷикистон Низомиддин Зоҳидов бо муовини вазири корҳои хориҷии Ҷумҳурии Сотсиалистии Ветнам Нгуйен Фуонг баргузор гардид. Дар вохӯрӣ масоили ҳамкории сиёсӣ ва иқтисодии тарафайн матраҳ гардида, ҷонибҳо зарурати андешидани тадбирҳои мушаххасро ҷиҳати вусъат бахшидани ҳамкориҳои дуҷониба таъкид карданд. Ҳамчунин ҳайати Тоҷикистон масьалаи вусъат бахшидани ҳамкориҳоро дар ҳсозмонҳои байналмилалӣ ва минтақавӣ бо намояндагони Муғулистон, Уммон, Малайзия ва Баҳрайн мавриди муҳокима карор дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






