Ҳавасмандии БОР ҷиҳати сармоягузории лоиҳаи сохмони роҳи оҳани Тоҷикистон — Афғонистон — Туркманистон
Душанбе, 27 ноябр. (АМИТ «Ховар», Афшини Муқим).- Дар мулоқоти Президенти Ҷумҳурии Тоҷикистон Эмомалӣ Раҳмон ва Директори генералии Департаменти Осиёи Марказӣ ва Ғарбии Бонки осиёии рушд (БОР) Клаус Герхаусер як силсила масоили марбут ба ҳамкории Тоҷикистон ва ин ниҳоди муътабари молиявӣ мавриди муҳокима қарор гирифт.Клаус Герхаусер пас аз мулоқоташ бо Сарвари давлат дар ҳузури намояндагони ВАО бо изҳори ҳавасмандӣ ба рушди бемайлони муносиботи дуҷониба гуфт, Тоҷикистону Бонки осиёии рушд дар 15 соли ахир ҳамкориҳои босамару густурдаеро ба роҳ мондаанд ва ин ҳамкориҳои минбаъд низ бо татбиқи як қатор лоиҳаву барномаҳо рушду таҳким хоҳанд ёфт. Инчунин бо ёдоварӣ аз таҳияи барномаи ҳамкорӣ миёни Ҳукумати Ҷумҳурии Тоҷикистон ва Бонки осиёии рушд Клаус Герхаусер иброз дошт, ки ҷониби БОР ҷиҳати дастгирии фанниву молии лоиҳаи сохтмони роҳи оҳани Тоҷикистон — Афғонистон — Туркманистон ҳавасманд мебошад. Мавсуф гуфт, «БОР ба гуруҳи кории сохтмони ин лоиҳа кӯмакҳои техникии худро расонида буд ва дар доираи ҳамкорӣ ва тавофуқоти дуҷониба маблағгузории мустақим ба лоиҳаи мазкур дар назар аст». Дар ин мулоқот ҳамчунин масъалаи рушди бахши хусусӣ дар Тоҷикистон, омӯзиши лоиҳаҳои татбиқшванда, рушди иҷтимоиву иқтисодии кишвар ва дигар масоили мавриди таваҷҷуҳи ҷонибҳо мавриди баҳсу баррасӣ қарор гирифт.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
