Арзёбии ҳайати ИДМ

Ноябрь 8, 2013 12:00

Душанбе, 8 ноябр. (АМИТ «Ховар», Кристина  Эрлих).-  «Интихобот  муташаккилона  сурат  гирифта,  ягон шикояти  ҷиддӣ ва ҳодисаҳое, ки  ба  ҷараёни он   таъсир  мерасонида бошанд,  ба  назар  нарасид. Нуқсонҳои  хурди техникӣ  мушоҳида шуданд, ки   аъзои   салоҳиятдори  комиссияҳои  интихоботӣ онҳоро  фавран  бартараф  менамуданд.  Ҳамаи  ин аз  омодагии  хуби  аъзои  комиссияҳои  интихоботӣ  ба  ин  маърака  далолат  мекунад», —  гуфт  зимни  суханрониаш  роҳбари  ҳайати  мушоҳидони  ИДМ  Сергей  Лебедев  дар  нишасти  матбуотӣ, ки  7  ноябр  аз  рӯи  натиҷаи  интихоботи  Президенти Тоҷикистон  баргузор  гардид. 
 
Шаш  номзад ба  мансаби Президенти  Тоҷикистон  пешбарӣ  шуда буд, ки  ҳамаи онҳо барои   иштирок  дар интихобот  шумораи зарурии имзоҳоро  ҷамъ  оварда  тавонистанд. Ин,  пеш  аз  ҳама,  аз  хусусияти  алтернативӣ  доштани  интихоботи  президент  шаҳодат  медиҳад, —  гуфт  Сергей  Лебедев.
 
Ҳайати  мушоҳидони  ИДМ  изҳорот  дар  бораи  интихоботи Президенти  Ҷумҳурии  Тоҷикистонро  таҳия  намуд, ки  он  баъди  расман эълон  шудани Президенти  Тоҷикистон  дарҷ  мегардад. Ҳайати  мушоҳидони  ИДМ  зимни  изҳороташ  қайд  менамояд, ки  маъракаи  интихобот  муташаккилона  ва  дар  вазъияти  ором  гузашт. Ягон   нуқсону  шикоёте, ки   ба  ҷараёни  интихобот  таъсир  мекарда  бошанд,  ба  назар  нарасид. Интихоботи  соли  2013  мутобиқи Сарқонун  ва  Қонунгузории  Ҷумҳурии  Тоҷикистон  дар  фазои озод,  ба таври  демократӣ,  ошкоро  ва дар  асоси  алтернативӣ  сурат  гирифт.
 
«Хулосаҳои  Ҳайати  мушоҳидони  ИДМ  ба  хулосаҳои  ҳайати СҲШ  мувофиқат  мекунанд. Мо  умуман  бо  роҳи  рушди  демократия  пеш  меравем, ки  интихобот  дар  Тоҷикистон  аз  ин  шаҳодат  медиҳад», —  гуфт  дар  хотима  Сергей  Лебедев.
 
Ҳамзамон  намояндагони Русия  ва  Қазоқистон, ки ба   ҳайат   шомиланд,  зикр  намуданд, ки  интихоботи  Президенти  Ҷумҳурии  Тоҷикистон  ба таври  демократӣ,  шаффоф  ва  дар  асоси  алтернативӣ  сурат  гирифт.  Ҳамаи  интихобкунандагон  баҳри  субботу  шукуфоии  давлати  худ   овоз  доданд. 
 
Қобили  зикр  аст, ки  мувофиқи  маълумоти  пешакӣ, Президенти  амалкунандаи  кишвар  Эмомалӣ  Раҳмон  83,6  фоизи  овози  интихобкунандагонро ба  даст оварда,  пирӯз  шуд.

Ноябрь 8, 2013 12:00

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид