Бозгашти варзишгарони маъюби кишвар бо 4 медал аз Швейтсария

Душанбе, 19 ноябр. (АМИТ «Ховар», Фарзона Ашӯрмадова).- 4 нафар варзишгарони маъюби кишвар дар мусобиқаи байналмилалии «Тенниси калон», ки аз 14 то 18-уми ноябри соли равон  дар Швейтсария ҷараён дошт, 4 медал- 1 медали тилло, 2 нуқра ва 1 биринҷӣ ба даст оварданд. 
Ҳусейн Назаров нишони тиллои ин мусобиқаро ба даст овардааст ва ин  дуюмин медали тиллои ӯ аз мусобиқаҳои байналмилалӣ ба шумор меравад. Ҳусейн феврали соли равон дар олипиадаи Сеул-2013 миёни варзишгарони имконияташон маҳдуд дар риштаи лижаронӣ сазовори ҷойи аввал ва медали тилло гардида буд. Бародараш Ҳасан дар ин мусобиқа ҷойи сеюм ва медали биринҷиро ба даст овард. 
Фаридун Юлдошев ва Фарида Назарова  дар ин риштаи варзиш ҷойи дуюм ва медалҳои нуқраи ин мусобиқаро соҳиб гаштанд.
Дар мусобиқаи байналмилалии теннис, ки тӯли як ҳафта миёни варзишгарони маъюби 23 кишвари ҷаҳон ҷараён дошт, Тоҷикистон аввалин кишварест, ки аз манотиқи Осиёи Миёна дар он иштирок  намуд.  Варзишгарони кишвар шоми имрӯз, 19-уми ноябр соати 18:00 ба Ватан бармегарданд.