IX-умин намоишгоҳи байналмилалии таълимӣ дар Тоҷикистон
Душанбе, 26 ноябр. (АМИТ «Ховар», Руқияи Боймамад).- Ширкати муштараки байналмилалии Тоҷикистон-Малайзия «TM-international» IX-умин Намоишгоҳи байналмилалии таълимиро дар Тоҷикистон доир менамояд. Намоишгоҳи мазкур дар ҳамдастӣ бо Ҳукумати Ҷумҳурии Тоҷикистон, Вазорати маорифи Ҷумҳурии Тоҷикистону Малайзия ва Палатаи савдо ва саноати Ҷумҳурии Тоҷикистон 26 — 27-уми ноябри соли ҷорӣ аз соати 09:00 то 17:00 дар меҳмонхонаи «Серена»-и шаҳри Душанбе доир мегардад.Дар IX-умин Намоишгоҳи байналмилалии таълимӣ иштироки намояндагони дастгоҳи иҷроияи Президенти Ҷумҳурии Тоҷикистон, Вазорати маориф ва илми Ҷумҳурии Тоҷикистон ва роҳбарони Донишгоҳҳои Малайзия, Чин, Туркия, ИДА, ИДМ ва ғайра ба нақша гирифта шудааст. Намоишгоҳи таълимӣ ба толибилмон ва хоҳишмандон имкон медиҳад, ки аз тарзи таҳсилу омўзиш дар донишгоҳҳои кишварҳои хориҷӣ иттилои бештар пайдо намоянд. Директори ширкат Абдураззоқ Абдуллоев зикр кард, ки тибқи шартномаҳои тарафайн дар намоишгоҳи таълимӣ донишгоҳҳои равияи илмҳои дақиқ ва барномаҳои илмҳои техникӣ ба роҳ монда шудааст. Азбаски Ҷумҳурии Тоҷикистон ҳоло ба мутахассисони соҳаи илмҳои дақиқ ниёз дорад, мо тасмим гирифтем, ки барои омода намудани чунин мутахассисони баландихтисос бо пешрафтатарин донишгоҳҳои кишварҳои хориҷӣ қарордод ба имзо расонем.Мавриди зикр аст, ки соли равон ширкати «TM-international» бо “Донишгоҳи тиҷорат ва молияи Лондон” (LSBF), Донишгоҳи давлатии технологии Малайзия, “Донишгоҳи техникии Сегӣ» Малайзия, “Донишгоҳи эҷодӣ ва техникии Лимкоквинг”, Малайзия, Донишгоҳи тибби Малайзия (MAHSA), “Донишгоҳи Ноттингеми Малайзия”, “Донишгоҳи Байналмилалии Кипр” (Қибрис), “Донишгоҳи Шарҷаи АМА” (Дубай), Донишгоҳи Шарқи Наздик Кипр(Қибрис) ва Донишгоҳи Олмон шартнома ба имзо расонд ва ин донишгоҳҳо низ дар намоишгоҳ иштирок менамоянд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






