Муроҷиати шаҳрвандон ба Хадамоти муҳоҷират меафзояд

 Душанбе, 16 ноябр. (АМИТ«Ховар», Лайло Қосимова). — Тавре ки мудири бахши қабул ва маслиҳатдиҳии дастгоҳи марказии Хадамоти муҳоҷират   Дӯстмурод Умбаров хабар дод,  ба Бахши қабул ва маслиҳатдиҳӣ ба муҳоҷирони меҳнатии дастгоҳи марказии Хадамоти муҳоҷират ва сохторҳои зертобеи он  дар 10 моҳи соли 2013  12 ҳазору 228 нафар муроҷиат намудаанд.   
Дар давраи сипаригашта ба бахши қабул ва маслиҳатдиҳӣ ба муҳоҷирони меҳнатӣ  3490 нафар  шаҳрванд муроҷиат намудааст, аз  ҷумла, 1847 нафар ба тариқи  шифоҳӣ,  135 нафар аз тариқи хаттӣ ва  1508 нафар аз тариқи  телефони боварӣ муроҷиат намудаанд.
  Бахши қабул ва маслиҳатдиҳӣ ба муҳоҷирони меҳнатӣ  дар раёсатҳои Хадамоти муҳоҷират дар  вилоятҳои Суғд, Хатлон, ВМКБ, шаҳри  Душанбе ва навоҳии тобеи марказ,  инчунин Намояндагии Хадамоти муҳоҷират дар Федератсияи Русия  фаъолият мекунад.