Намоиши «Шерафган» дар Театри Лоҳутӣ

Душанбе, 13 ноябр. (АМИТ «Ховар», Ситора Раҷабова).- Аз 19-ум то 23-уми ноябри соли равон дар Театри давлатии академии драмавии ба номи А. Лоҳутӣ намоиши кӯдаконаи «Шерафган» баргузор мегардад.
Намоиши мазкур аз рӯи асари Қиёмиддин Сатторӣ ба саҳна гузошта шуда, дар он коргардон мавзӯи дӯстиву сулҳпарвариро саҳнагузорӣ кардааст. Нақшҳои асосиро ҳунармандони ҷавони театри мазкур Маҳмадӣ Муҳаммадӣ ва Адиба Бекмуродова иҷро мекунанд. Намоиши мазкур ҳамарӯза соати 10:00 баргузор мегардад.