Оғози ҷаласаи навбатии Шӯрои сарвазирони узви ИДМ дар Санкт-Петербург

Душанбе, 20 ноябр. (АМИТ «Ховар», Фарзона Ашӯрмадова).- Сарвазири Ҷумҳурии Тоҷикистон Оқил Оқилов барои иштирок дар ҷаласаи навбатии Шӯрои сарони ҳукуматҳо-сарвазирони узви кишварҳои ИДМ дар шаҳри Санкт-Петербург қарор дорад.
Имрӯз, 20-уми ноябр сарвазири мамлакат дар кори ҷаласаи мазкур нахуст дар мулоқоти сарони ҳайатҳо ва баъдан дар нишасти сарони ҳукуматҳо- сарвазирони узви кишварҳои ИДМ бо иштироки ҳайатҳои васеъ иштирок ва суханронӣ кард.
 
Ёдрас мешавем, ки ҷаласаи навбатии Шӯрои сарони ҳукуматҳо-сарвазирони узви кишварҳои ИДМ дар шаҳри Санкт-Петербург субҳи имрӯз ба кори худ оғоз карда, дар кори он зиёда аз 20 масъала вобаста ба ҳамкории байнидавлатӣ дар доираи иттиҳод муҳокима  мешавад.