Суханронии Сироҷидин Аслов дар нишасти навбатии иҷлоси 68-уми Маҷмаи Умумии СММ
Душанбе, 22 ноябр. (АМИТ «Ховар»).- 20 ноябри соли 2013 Намояндаи доимии Тоҷикистон дар СММ Сироҷидин Аслов зимни нишасти навбатии иҷлоси 68-уми Маҷмааи Умумии СММ, ки ба мавзӯи «Вазъият дар Афғонистон» бахшида шуда буд, аз номи кишварҳои аъзои Созмони ҳамкории Шанхай (СҲШ) суханронӣ намуд. Сафир Аслов изҳор намуд, ки раванди ноилшавӣ ба сулҳу ваҳдат дар Афғонистон бояд таҳти пешбарии ҳукумату мардуми он кишвар татбиқ шавад. Зикр шуд, ки кишварҳои аъзои СҲШ раванди барқарорсозии Афғонистонро ҳаматарафа дастгирӣ намуда, ба мардуми он кишвар ёрӣ, аз ҷумла кӯмаки башардӯстона расонида истодаанд. Сафир Аслов таззакур кард, ки СҲШ омодааст дар оянда низ бо мақсади рушди Афғонистон робитаҳои иқтисодӣ ва савдоро байни СҲШ ва Афғонистон вусъат бахшад. Намояндаи доимӣ афзуд, ки татбиқи лоиҳаҳои энергетикӣ, сохтмони роҳҳои оҳан ва мошингард ба рушди иқтисод ва таъсиси ҷойҳои нав корӣ дар он кишвар мусоидат мерасонад.Дар поёни суханронӣ сафир Аслов нақши марказии Намояндагии СММ дар Афғонистонро барои мусоидат ба ин кишвар дар расонидани ёрии зарурӣ ба раванди сулҳу барқарорсозӣ таъкид кард.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
