Вохӯриҳои масъулини Кумитаи ҷавонон оид ба Рӯзи Парчам

Душанбе, 22 ноябр. (АМИТ «Ховар», Фарзона Ашӯрмадова).- Субҳи имрӯз, 22-юми ноябр муовини раиси Кумитаи ҷавонон, варзиш ва сайёҳӣ Мавсума Муинова бо сарбозони қисми ҳарбии 06870-и Вазорати мудофиа мулоқот кард.Тавре ки дар ин бора аз Кумитаи ҷавонон, варзиш ва сайёҳӣ хабар доданд, вохӯрии мазкур бахшида ба Рӯзи Парчами давлатӣ буда, дар он масъулини Вазорати мудофия низ иштирок ва оид ба ватанпарастиву эҳтиром ба рамзҳои давлатӣ маърӯзаҳо намуданд.Вохӯриҳои масъулини кумита бахшида ба Рўзи Парчами давлатӣ ва бо мақсади ташаккули маърифати ҳуқуқӣ ва фарҳанги сиёсии ҷавонон, тарбияи онҳо дар ин руҳия имрӯз бо сарбозони қисми ҳарбии 45005-и Кумитаи ҳолатҳои фавқулодда дар назар аст.