Қочоқи асъори хориҷӣ
Душанбе, 31 декабр. (АМИТ «Ховар»).-Ба хотири дар амал татбиқ намудани талаботи қонунҳои амалкунандаи кишвар ва пешгирӣ намудани ҳама гуна қонуншиканӣ дар соҳаи гумрук кормандони мақомот аз тамоми имконоти мавҷуда истифода намуда, ба таври шабонарўзӣ муборизаи дастаҷамъонаро ба роҳ мондаанд. Аз ҷониби кормандони дидбонгоҳи гумруки “Майдони ҳавоӣ”-и Раёсати минтақавии гумрукӣ дар вилояти Суғд ҳангоми барасмиятдарорӣ ва назорати гумрукии мусофирони хатсайри самти “Хуҷанд-Урумчӣ” бо гумони интиқоли ғайриқонунии асъори хориҷӣ шаҳрванд Абдусалом Ғаффоров, соли таваллудаш 1985 боздошт гардид. Ҳангоми муоинаи гумрукӣ аз дохили ҷомадони номбурда 7 адад бастаи пули асъори хориҷӣ ба маблағи умумии 67 ҳазору 900 доллари амрикоӣ дарёфт ва гирифта шуд. Абдусалом Ғаффоров 10 ҳазор доллари амрикоиро ҳангоми назорати гумрукӣ бо шакли хаттӣ дар эъломияи гумрукии шакли “Т-6” пешниҳод намуда, боқимонда маблағи 57 ҳазору 900 долларро мехост аз сарҳади гумрукии Ҷумҳурии Тоҷикистон пинҳонӣ аз назорати гумрукӣ интиқол диҳад. Нисбат ба шаҳрванд Абдусалом Ғаффоров парвандаи ҷиноятӣ бо моддаҳои 32 қисми 3 ва 289 қисми 1-и Кодекси Ҷиноятии Ҷумҳурии Тоҷикистон оғоз шуда, барои тафтиши минбаъда ба Прокуратураи нақлиёти вилояти Суғд ирсол карда шуд. Дар ин бора аз Хадамоти гумрук хабар доданд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






