Қоидаҳои бехатарӣ аз сўхторро қатъиян риоя намоед!

Душанбе, 10 декабр. (АМИТ«Ховар», Лайло Қосимова). -Ҳафтаи гузашта дар миқёси ҷумҳурӣ 32 ҳодисаи сўхтор бо хисороти молии 409601 сомонӣ ба қайд гирифта шуд. Масоҳати умумии сўхторҳо 807.5 метри мураббаъро ташкил дода, маблағи аз сўхтор эмин дошта шуда, ба 2 млн. 058 ҳазору 845 сомонӣ баробар мебошад. Чун ҳарвақта сабабҳои асосии ҳодисаҳои нохуш оташбозии кўдакон, муносибати беэҳтиётона бо оташ, вайрон кардани қоидаҳои бехатарӣ аз сўхтор ҳангоми истифодаи асбобҳои гармидиҳандаи барқӣ ва газӣ, расиши кўтоҳи ноқилҳои барқӣ мебошанд. Аз ин шумора 15 сӯхтор дар вилояти Суғд, 11 сӯхтор дар вилояти Хатлон, 5 сӯхтор дар шаҳри Душанбе, 2 сӯхтор дар ВМКБ ва 2 сӯхтор дар шаҳри Ваҳдат ба қайд гирифта шуда, боқимонда дар ноҳияҳои Рудакӣ, Турсунзода, Файзобод, Ҷиргатол ва Рашт рух додаанд. Сарраёсати хадамоти давлатии оташнишонии ВКД аз сокинони мамлакат эҳтиромона хоҳиш менамояд, ки талаботи қоидаҳои бехатарӣ аз сўхторро қатъиян риоя намуда, ҳаёту саломатӣ ва дороии худу атрофиёнро дар хатар нагузоранд. Ҳангоми ба амал омадани ҳодисаҳои сўхтор ва ё зоҳир гардидани нишонаҳои он ҳатман бо телефони «01»занг зананд.