Ҳаҷми умумии маҳсулоти кишоварзӣ дар ҷумҳурӣ

Душанбе, 14 декабр. (АМИТ «Ховар», Зарангези Латиф).- Тибқи маълумотҳои оморӣ дар давоми 11 моҳи соли ҷорӣ дар ҷумҳурӣ ҳаҷми умумии маҳсулоти кишоварзӣ дар ҳамаи шаклҳои хоҷагидорӣ ба 15 млрд.32 млн. сомонӣ расонида шуд, ки нисбат ба ҳамин давраи соли гузашта 10.8 фоиз зиёд мебошад. Суръати афзоиш дар соҳаҳои растанипарварию чорводорӣ мутаносибан 108,1 ва 106,9 фоизро ташкил медиҳад.Мувофиқи иттилои раёсати растанипарварии Вазорати кишоварзӣ соли ҷорӣ дар майдони 191330 гектар кишти пахта гузаронида шуд. Ҳафтаи сипарӣ дар ҷумҳурӣ ба миқдори 392 ҳазору 681 тонна пахта ҷамъоварӣ шудааст, ки 96.6 фоизи дурнаморо ташкил медиҳад.Дар ин бора аз хадамоти матбуоти Вазорати кишоварзӣ иттилоъ доданд.