Ҷалби бештари занон ба касбомӯзӣ

Восеъ, 6 декабр. (АМИТ «Ховар», С. Холов).-Бо мақсади ба касбомӯзӣ ҷалб намудани занону духтарони маҳаллӣ ва ташкили ҷойҳои нави корӣ дар ноҳияи Восеъ бо дастгирии шуъбаи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ва намояндагии Кумитаи имдоди Хумайнӣ дар Тоҷикистон як маркази нави касбомӯзии дӯзандагӣ фаъол гардонида шуд, ки баъди хатми он занону духтарон соҳибкасб гардида, дар корҳонаҳои дӯзандагӣ ба кор ҷалб мешаванд. Барои васеъ намудани фаъолияти маркази мазкур боз 4 адад дастгоҳи нави дарздузӣ ва барои ба дарсҳои комютерӣ фаро гирифтани аҳолии атрофи ҷамоати деҳоти Тугарак 4 компютери дигар туҳфа намуданд. Ба иттилои кормандони маркази мазкур дар ин таълимгоҳ дар як вақт метавонанд 20 нафар занону духтарони хонашину хоҳишманд касби дӯзандагиро омӯзанд. Омӯзиши касби дӯзандагӣ дар ин таълимгох ройгон буда, дар оянда ба ғайр аз сокинони ҷамоати деҳоти Тугарак боз сокинони ҷамоатҳои дигари ноҳия низ метавонанд ба омӯзиши касби дӯзандагӣ машғул шаванд.