«Асри Осиё» -ҳамоиш дар Исломобод
Душанбе, 9 декабр.(АМИТ «Ховар», Марзия Саидова).-Имрӯз дар Исломобод мулоқоти навбатии пленарии Ассамблеяи парлумонии Осиё, ки дирӯз таҳти унвони «Асри Осиё: ҳамкорӣ дар соҳаҳои иқтисодиёт, энергетика ва муҳити атроф» оғоз гардида буд, корашро идома дод. Дар ин чорабинии сатҳи байналмилалӣ ҳайати парлумонии Тоҷикистон таҳти роҳбарии Назира Ғаффорова-муовини раиси Маҷлиси намояндагони Маҷлиси Олии ҷумҳурӣ ширкат дорад. Дар мулоқот намояндагони парлумонҳои 41 кишвари Осиё иштирок намуда, масъалаҳои марбут ба таҳкими ҳамкориҳоро дар соҳаҳои мухталиф миёни кишварҳои Осиё матраҳ менамоянд. Интизор меравад, ки ҳайати парлумонии Тоҷикистон, ки ба он вакилон Олим Салимзода ва Амирхон Сафаров шомиланд, зимни баромади худ таваҷҷуҳи иштирокдорони Ассамблеяи парлумонии Осиёро ба масоили марбут ба лоиҳаҳои гидроэнергетикии Тоҷикистон, дурнамои ташкили бозори энергетикии Осиё, масоили марбут ба ҳифзи муҳити зисти минтақа, тавсеаи равобити парлумонӣ байни кишварҳои Осиё ҷалб намоянд.Бояд тазаккур дод, ки дар ҷаласаи Ассамблеяи парлумонии Осиё сенатори Покистон Мушаҳид Ҳусейн Саид, ки ҳамзамон раиси Кумитаи тадорукотии ин чорабинист, суханронӣ намуда, баргузории ин ҳамоишро дар тавсеаи равобити байнипарлумонии кишварҳои Осиё муҳим арзёбӣ кард. Ҷаласаи қаблии Ассамблеяи парлумонии Осиё соли 2010 дар Димишқ -пойтахти Сурия баргузор гардида буд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






