Баррасии грантҳои ҳукуматӣ ва ғайриҳукуматӣ дар АИТ
Душанбе, 26 декабр. (АМИТ «Ховар», Фарзона Ашӯрмадова).-Дирўз, 25-уми декабри соли равон ҷаласаи навбатии Академияи илмҳои Тоҷикистон бо иштироки Президенти АИТ Фарҳод Раҳимов, директори Маркази барномаҳои байналмиллалӣ Самариддин Афғонов ва олимону аспирантони академия баргузор гардид, ки дар он масъалаи “Таҳияи лоиҳаҳо барои иштирок дар озмунҳо ё худ грантҳои Ҳукумати Тоҷикистон ва грантҳои хориҷӣ” баррасӣ гардид.Тавре ки дар ин бора аз Академияи илмҳои Тоҷикистон хабар доданд, дар ҷаласа Президенти АИТ иброз дошт, ки мақсади асосии ин ҷамъомад пеш аз ҳама ба аспирантон ва олимони ҷавон фаҳмонидан ва додани маълумоти муфассал дар хусуси грантҳои аз ҷониби ҳукумат барои таҳсил ва коромӯзии олимону аспирантони кишвар дар кишварҳои собиқ Иттиҳоди давлатҳои мустақил (ИДМ) ва Аврупову Амрико ҷудошуда ва усулҳои таҳияи лоиҳаҳо барои иштирок дар ин озмунҳо ва ё грантҳои ҳукуматӣ ва ғайриҳукуматӣ мебошад. Ҳамчунин Фарҳод Раҳимов гуфтааст, ки дар АИТ рўзҳои наздик курсҳои забони русӣ, курсҳои IT — технологияҳо, курсҳои “Методологияи тадқиқоти илмӣ” барои олимони ҷавон ва аспирантони академия ба роҳ монда мешавад. Дар мулоқот директори Маркази барномаҳои байналмиллалӣ Самариддин Афғонов ба масъалаи грантҳои Ҳукумати Ҷумхурии Тоҷикистон, ки аз тариқи ин марказ ба роҳ монда мешаванд, равшанӣ андохт.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






