Буридани шохи арча вубол аст
Хоруғ, 21 декабр. (АМИТ «Ховар», Файз Мирасан).- Соли нави мелодии 2014-ум торафт наздик меояд, вале дар бозор ва мағозаҳои шаҳри Хоруғ дар қиёс ба солҳои гузашта арчаҳои маснӯӣ камтар ба назар мерасанд. Олими набототшинос, мудири кафедраи ботаникаи Донишгоҳи давлатии шаҳри Хоруғ, профессор Довутшо Наврӯзшоев дарахти ҳамешасабзи арчаро беҳтарин ифодагари рамзи Соли нави мелодӣ арзёбӣ намуда, мегӯяд, ки арча бо хусусиятҳои рамзӣ ва табобатиаш аз қадимулайём байни мардуми тоҷик аз маҳбубияти хос бархурдор буд. Дарахти ҳамешасабзи арча дар куҳу пуштаҳои кишвари мо аз Зарафшон то Бадахшон ва аз Рашт то Хатлон дар чор фасли сол аз фасли баҳор ва шукуфтанҳо ёдрас мекунад. Аз дигар намудҳои дарахтон дар Бадахшон ба дарахти арча хатари аз ҳама камтари буридашавӣ таҳдид мекунад, зеро ба бовари мардум арча дарахти муқаддас мебошад ва аз ин рӯ, сокинон аз буридани шохаҳои он худдорӣ меварзанд. Сокинони баъзе аз навоҳии вилоят шохаҳои ин дарахтро ба хотири дур андохтани неруҳои аҳриманӣ дар сутуни хонаашон овезон мекунанд. Гуё бӯи хуши ин шохаҳо ҳар бадиро аз хона берун мекунад. Ин яке аз сабабҳои афзоиши дарахти арча дар манотиқи куҳсори кишвар гардидааст.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






