Дар ҷумҳурӣ ҳаҷми гӯшт афзуд

Душанбе, 9 декабр. (АМИТ «Ховар», Екатерина Пасторова).- Имсол ҳаҷми гӯшт дар ҳамаи хоҷагиҳои Тоҷикистон 123 ҳазору 600 тоннаро ташкил дод, ки нисбат ба соли гузашта баробари 7 ҳазору 600 тонна зиёд аст. Дар ин бора аз Вазорати кишоварзии Ҷумҳурии Тоҷикистон ба АМИТ «Ховар» хабар доданд.Мувофиқи маълумоти манбаъ соли равон дар кишвар беш аз 604 ҳазор тонна шир, 260 ҳазору 600 дона тухм ва 2 ҳазору 882 тонна асал ба даст омадааст, ки ин нишондиҳандаҳо нисбат ба соли гузашта хеле зиёданд. Тайи соли 2013 ҳаҷми маҳсулоти моҳипарварӣ 810 ҳазору 800 тоннаро ташкил дод, ки назар ба нишондодҳои соли гузашта баробари 297 тонна зиёд аст, — зикр намуданд дар Вазорати кишоварзии ҷумҳурӣ.