Дар Тоҷикистон беш аз 372 ҳазор тонна пахта ҷамъоварӣ шуд

Душанбе, 9 декабр. (АМИТ «Ховар», Екатерина Пасторова).- То 1 декабри соли равон аз 191 ҳазору 330 гектар киштзор 372 ҳазору 132 тонна пахта ҷамъоварӣ шудааст, ки ин 93,1 фоизи дурнаморо ташкил медиҳад. Ғайр аз ин дар кишвар як миллиону 279 ҳазору 439 тонна ғалла ҷамъоварӣ шудааст, ки 908 ҳазору 402 тоннаи онро гандум ташкил медиҳад.Тавре ки дар Вазорати кишоварзӣ қайд намуданд, то 1 декабр дар кишвар беш аз як миллиону 14 ҳазору 800 тонна картошка истеҳсол шудааст, ки назар ба нишондодҳои соли гузашта баробари 104 ҳазору 100 тонна зиёд аст.Имсол дар кишвар ҷамъ 268 ҳазору 200 тонна мева ҷамъоварӣ шудааст, ки 151 ҳазору 300 тоннаи онро ангур ташкил медиҳад.Қобили зикр аст, ки тайи даҳ моҳи соли равон ҳаҷми маҳсулоти умумии кишоварзӣ дар ҳамаи хоҷагиҳои кишвар 13 миллиарду 684 миллион сомониро ташкил дод, ки нисбат ба нишондоди соли гузашта 8,2 фоиз зиёд аст.