Иштироки Тоҷикистон дар чорабинии Соли байналмилалӣ
Душанбе, 9 декабр. (АМИТ «Ховар»).- Ҳайати олимақоми Ҷумҳурии Тоҷикистон бо роҳбарии Вазири корҳои хориҷии кишвар Сироҷиддин Аслов дар ҷорабинии сатҳи баланд барои муҳокимаи натиҷаи Соли байналмилалии ҳамкорӣ дар бахши об дар шаҳри Мехико иштирок намуд. Ин чорабинӣ бо ибтикори ЮНЕСКО ва Созмони Милали Муттаҳид роҳандозӣ шуд. Тавре ки аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд, вазири корҳои хориҷии Тоҷикистон зимни суханрониаш зикр намуд, ки Соли байналмилалии ҳамкорӣ дар бахши об имконияти хуберо барои ҷалби таваҷҷӯҳи ҷомеаи ҷаҳон ба масоили ҳамкорӣ дар бахши истифода ва ҳифзи захираҳои об фароҳам овард. Зикр шуд, ки роҳандозии чорабиниҳои зиёд дар сатҳи баланд дар ҳошияи Соли байналмилалӣ ба бештар воқиф шудан аз усулҳои рушду густариши ҳамкорӣ дар амри истифодаи захираҳои об мусоидат намуд. Сироҷиддин Аслов дар робита бо ин дар бораи натиҷаҳои Конфронси байналмилалӣ дар бахши истифодаи об, ки 20 ва 21 августи соли 2013 дар шаҳри Душанбе баргузор шуда буд, муфассал нақл кард. Иштирокдорони ин чорабинӣ перомуни рушду густариши ҳамкорӣ дар бахши об муфассал сухан ронда, барои қабули уҳдадориҳо дар бахши захираҳои об «харитаи роҳ» — ро таҳия ва қабул намуданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
