Маҷлиси ботантана дар Вазорати молия

Душанбе, 9 декабр. (АМИТ «Ховар», Кристина Эрлих).- Чанде пеш дар Вазорати молияи Ҷумҳурии Тоҷикистон бахшида ба Рӯзи иди касбии кормандони низоми молияи кишвар маҷлиси ботантана баргузор гардид. Тавре ки аз котиботи Вазорати молияи ҶТ ба мухбири АМИТ «Ховар» хабар доданд, Вазири молияи Ҷумҳурии Тоҷикистон А.Қурбонов маҷлиси ботантанаро ифтитоҳ намуда, ҳайати вазорат ва ташкилотҳои зертобеи онро бо иди касбии кормандони молия муборакбод карда, ба ҳамаи онҳо муваффақият дар кор, тансиҳатӣ ва бахту саодат орзу намуд. Муовини Вазири молияи Ҷумҳурии Тоҷикистон Р.Ҳакимов зимни маърӯзааш бахшида ба Рӯзи иди касбии кормандони низоми молиявӣ аз фаъолияти хадамоти молияи Тоҷикистон муфассал нақл кард. А.Қурбонов дар анҷоми маҷлиси ботантана изҳори умедворӣ намуд, ки кормандони низоми молияи кишвар барои иҷрои вазифаҳои дар наздашон гузошташуда саъю кӯшиш намуда, дар фаолияти рӯзмарраашон ба натиҷаҳои баланд ноил мешаванд.