Муҳокимаи лоиҳаи Стратегияи минтақавӣ
Душанбе, 5 декабр. (АМИТ «Ховар», Лутфия Эшонқулова).- Дар шаҳри Душанбе мулоқоти директори Агентии назорати маводи нашъаовари назди Президенти ҶТ Рустам Назаров бо намояндагони Раёсати оид ба маводи мухаддир ва ҷинояткории СММ дар Афғонистон Ҷерем Миллс ва Тоҷикистон Алӣ Саряздӣ баргузор гардид.Назар ба хабари маркази матбуоти Агентии назорати маводи нашъаовар, дар ҷараёни мулоқот масъалаи татбиқи Барномаи Раёсати оид ба маводи мухаддир ва ҷинояткории СММ таҳти унвони «Барномаи минтақавии пуштибонии кӯшишҳо дар мубориза бо маводи мухаддири Афғонистон ва кишварҳои ҳамсоя барои солҳои 2011 – 2014» ва натиҷаи мулоқоти ғайрирасмии роҳбарони сохторҳои мубориза бо маводи мухаддири Афғонистон, Эрон, Покистон, Қирғизистон, Қазоқистон, Тоҷикистон, Туркманистон, Ӯзбекистон, Русия, Чин, ИМА, Туркия, намояндагони Раёсати оид ба маводи мухаддир ва ҷинояткории СММ ва Иттиҳоди Аврупо таҳти унвони «Муколамаи Душанбе», ҳамчунин конфронси оид ба ҳамкории Афғонистону Тоҷикистон дар амри назорати маводи мухаддир, ки аз 30 ноябр то 2 декабри соли равон дар шаҳри Душанбе баргузор гардид, мавриди муҳокима қарор гирифт.Мувофиқи иттилооти манбаъ, ҷонибҳо ҳамчунин масоили таҳияи Лоиҳаи стратегияи минтақавӣ дар мубориза бо маводи мухаддир, ҳамчунин татбиқи лоиҳаҳои муқобилат ба маводи мухаддир дар ҶТ барои соли 2014 – ро баррасӣ намуданд.Намояндагони Раёсати оид ба маводи мухаддир ва ҷинояткории СММ дар навбати худ ибтикори Ҳукумати Ҷумҳурии Тоҷикистонро дар ташкилу роҳандозии «Муколамаи Душанбе» ва мақоми кишвари мо дар татбиқи лоиҳаҳои минтақавии зидди маводи мухаддир ба дараҷаи баланд арзёбӣ намуданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
