Навсозии роҳи мошингарди Панҷакент — Айнӣ давом дорад

Душанбе, 23 декабр. (АМИТ «Ховар», Кристина Эрлих).- Корҳои сохтмонӣ дар асоси лоиҳаи таҷдиди роҳи мошингарди Панҷакент — Айнӣ давом доранд. Дар ин бора аз Вазорати нақлиёти ҶТ ба мухбири АМИТ «Ховар» хабар доданд. Мувофиқи суханони манбаъ, дар ин иншоот беш аз 120 адад техникаи сохтмонӣ ва 400 нафар коргарон кор мекунанд. Мувофиқи лоиҳа бунёду таҷдиди 32 пул пешбинӣ шудааст. Қобили зикр аст, ки масофаи умумии роҳи мошингард 113,6 километр ва бари он 15 метрро ташкил медиҳад. Ғайр аз ин роҳҳои мошингарди маркази ноҳияи Панҷакент ва боз 60 километр роҳи дорои аҳамияти маҳаллӣ таҷдид карда мешаванд. Лоиҳаи мазкур аз ҳисоби маблағҳои Ҳукумати Тоҷикистон ва қарзҳои бебозгашт дар амал татбиқ мегардад.