Соҳибкорони Қурғонтиеппа клуби «Вахш» — ро дастгирӣ мекунанд

Қурғонтиеппа, 31 декабр. (АМИТ «Ховар», Мурод Сотиев).- Соҳибкорони шаҳри Қурғонтеппа тасмим гирифтанд, ки ба клуби футболи «Вахш» — и шаҳр ёрии моддӣ расонанд. Дар ҷамъомаде, ки 28 декабр дар шаҳри Қурғонтеппа баргузор гардид, зикр шуд, ки дастаи футболи «Вахш» яке аз дастаҳои аввалини Тоҷикистон буда, бинобар мушкилоти молиявӣ дар мавсими гузашта имконияҳояшро пурра истифода карда натавонист. Хотирнишон месозем, ки клуби футболи «Вахш» дар мавсими нав ҳам дар лигаи олии мусобиқоти Ҷумҳурии Тоҷикистон иштирок менамояд.