Татбиқи 9 лоиҳаи инвеститсионӣ ба маблағи 124 миллион $
Душанбе, 12 декабр.(АМИТ «Ховар», Марзия Саидова).- «Алҳол дар ҷумҳурӣ дар бахши бо оби тозаи ошомиданӣ таъмин намудани аҳолӣ 9 лоиҳаи муштараки инвеститсионӣ ба маблағи 124 миллион $ амалӣ гардида истодааст». Ин матлабро дар ҷаласаи Парлумони мамлакат Ҷамолиддин Нуралиев-муовини аввали вазири молияи ҷумҳурӣ зикр кард. Таъкид шуд, ки татбиқи лоиҳаҳои мазкур ба баланд бардоштани бехатарии эътимоднокӣ ва истифодаи самараноки оби нӯшокӣ, беҳдошти сатҳи иҷтимоии аҳолии кишвар мусоидат менамояд. Ҳамзамон муовини аввали вазири молияи кишвар афзуд, ки бо оби тозаи ошомиданӣ таъмин намудани аҳолии мамлакат ҳамчун ҳадафи стратегии Ҳукумати Ҷумҳурии Тоҷикистон дар санадҳои стратегии миллии рушд ва стратегияи баланд бардоштани сатҳи некуаҳволии мардуми мамлакат зикр гардидааст. Ҷамолиддин Нуралиев афзуд, ки новобаста ба оне, ки кишвари мо дорои захираҳои бои оби тозаи ошомиданист, аммо қисмати бештари аҳолии ҷумҳурӣ аз норасоии оби тозаи нӯшокӣ танқисӣ мекашанд. Дар ин раванд Ҳукумати Ҷумҳурии Тоҷикистон баҳри бартараф намудани мушкилоти ҷойдошта ва таъмини пурраи аҳолии кишвар бо оби тозаи ошомиданӣ кӯшишҳои зиёд ба харҷ дода истодааст. Дар робита ба ин аз ҷониби Ҳукумати мамлакат дар ин самт барномаҳо ва лоиҳаҳои зиёде амалӣ шуда истодаанд, ки онҳо имкон медиҳанд сол то сол таъминоти аҳолӣ бо оби тозаи нӯшокӣ беҳтар гардад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






