Теъдоди нафақахӯрон дар ҷумҳурӣ ба зиёда 608 ҳазор расид

Душанбе, 17 декабр (АМИТ «Ховар», Сабоҳат Қадамова) — Шуруъ аз 1-уми январ то 1-уми декабри соли равон барои пардохти маблағҳои андӯхти нафақавӣ воридоти 17961 ариза сабт гардида, аз ин миқдор ба 19230 нафар бо назардошти аризаҳои соли гузашта тавассути Бонки давлатии амонатгузории Тоҷикистон «Амонатбонк» бо маблағи 4 млн.277381,60 сомонӣ пардохт карда шуд. Тавре ки дар ин бора аз Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон хабар доданд, аз аввали соли 2009 то декабри 2013 92 ҳазору 308 ариза қабул карда шуда, аз ин шумора ба 63501 нафар маблағи 9 млн.851100,85 сомонӣ тавассути Бонки давлатии амонатгузории «Амонатбонк» ва ба 23096 нафар маблағи 4 млн. 996470,87 сомонӣ аз ҳисоби маблағҳои андози иҷтимоии инфиродӣ дар ҷойи кор дар маҷмӯъ ба 86597 нафар маблағи 14 млн. 847751,72 сомонӣ ҳисобӣ ва таъйин карда шуд, ки ба ҳисоби миёна ба сари ҳар як нафақахӯр 171,45 сомонӣ рост меояд. Гуфта мешавад, ки аз 1-уми декабри соли равон теъдоди умумии нафақахӯрон дар ҷумҳурӣ 608821 нафарро ташкил намудааст.