Вазъи қурбҳои асъори хориҷӣ дар бозор муътадил аст

Душанбе, 6 декабр. (АМИТ«Ховар», Лайло Қосимова). -Дар давоми ҳафта қурби доллари ИМА дар нуқтаҳои мубодилаи асъори ҷумҳурӣ андаке паст фаромада, ба ҳисоби миёна дар ҳудуди 4,9230-4,9310 сомонӣ қарор гирифт.  Қурби миёнаи амалиёт бо рубли русӣ низ каме паст фаромада, мувофиқан ба 0,1478-0,1488 ва бо евро каме баланд шуда, мувофиқан ба 6,5863-6,6089 сомонӣ баробар шуд. Тавре ки аз хадамоти матбуоти Бонки миллии Тоҷикистон хабар доданд, 5 декабр қурби миёнаи доллари ИМА дар нуқтаҳои мубодилаи асъори шаҳри Душанбе ба 4,9270-4,9320 сомонӣ, Хуҷанд ба 4,9300-4,9400 сомонӣ ва дар шаҳри Қурғонтеппа ба 4,9200-4,9400 сомонӣ баробар буд.