Ҳаҷми инвеститсияҳо ба иқтисодиёти ҶТ коҳиш ёфтааст

Душанбе, 30.01.2014. (АМИТ «Ховар», Екатерина  Пасторова).- Соли  2013 ҳаҷми  вориди  инвестиитсияҳо ба   иқтисодиёти  Тоҷикистон  1  миллиарду  415 миллион  доллари  Амрикоро  ташкил дод. 29  январ  раиси Бонки  миллии  ҶТ  Абдуҷаббор  Ширинов  дар  ҷараёни   нишасти  матбуотӣ  дар  ин  бора  хабар  дод.
 
Абдуҷаббор  Ширинов   ҳамзамон   зикр  намуд, ки   соли  2013  вориди  инвеститсияҳои  мустақим ба  иқтисодиёти  кишвар   баробари  тақрибан  30  фоиз   коҳиш  ёфт. Масалан, соли  2013  ба  ҷумҳурӣ  1  миллиарду  415  миллион  доллар   ворид  гардид,   ҳол он ки  ин  рақам  дар соли  2012 – ум  2  миллиарду  44  миллион  долларро ташкил дода буд. 
 
Бу  гуфтаи раиси  Бонки  миллӣ,  «коҳиш  ёфтани  ҳаҷми  инвеститсияҳои  мустақим ба  Тоҷикистон  сабабҳои  узрнок  дорад». 
 
«Сабаби  ин  дар навбати  аввал   он  аст, ки  ҳоло бисёр сармоягузорони  бузург  интизори  фоидаи  маблағҳои  худ  мебошанд», — гуфт  Абдуҷаббор  Ширинов.
 
Раиси  Бонки  миллии  Тоҷикистон  ҳамчунин   зикр  намуд, ки  аз ҷумлаи  ҳаҷми  умумии  маблағи  хориҷие ки  соли 2013  ба  Тоҷикистоне  ворид  гардид,  87  миллиону  600 ҳазор  доллари онро  инвесчтитсияҳои   мустақими  хориҷӣ  ташкил  медиҳад.