Ҳалокати 20 нафар бар асари садама

          Душанбе, 28 январ. (АМИТ «Ховар», Лайло Қосимова).-  Аз аввали соли ҷорӣ то ба имрўз  дар роҳҳои мошингарди ҷумҳурӣ  84 садамаи  роҳу  нақлиётӣ  ба қайд гирифта шудааст, ки бар асари онҳо  20 нафар ба  ҳалокат расида,  115  нафари дигар бо ҷароҳатҳои гуногуни ҷисмонӣ дар беморхонаҳо  бистарӣ  гардидаанд. 
     Дар ҳафтаи гузашта, аз 20 то 26 январ дар роҳҳои мошилгарди ҷумҳурӣ 22 садамаи  роҳ ба қайд гирифта шудааст, ки дар натиҷаи  онҳо 5  нафар  ҳалок гардида,  28  нафари дигар бо ҷароҳатҳои гуногуни ҷисмонӣ дар беморхонаҳо  бистарӣ  гардидаанд.