Ҷаласаи солонаи Академияи илмҳои Тоҷикистон

Душанбе, 10 январ. (АМИТ «Ховар», Екатерина Пасторова).- 10 январ, дар Академияи илмҳои Тоҷикистон ҷаласаи ҳарсолаи ҳисоботӣ баргузор гардид.Президенти Академияи илмҳо Фарҳод Раҳимов вобаста ба ин воқеа зикр намуд, ки мақсад аз фаъолияти Академия дар соли 2013 роҳандозии 33 тадқиқоти амалӣ ва тарҳрезии 15 технология аз рӯи самтҳои афзалиятноки илмҳои табиатшиносӣ, техникӣ, гуманитарӣ ва ҷамъиятшиносӣ мутобиқи «Стратегияи Ҷумҳурии Тоҷикистон дар бахши илму технологияҳо барои солҳои 2011 – 2015» ва ҳафт барномаи соҳавии давлатӣ, ҳамчунин беҳдошти танзими тадқиқоти илмӣ, тарбияи кадрҳои баландихтисоси илмӣ, дарёфту истифодаҳои манбаҳои ғайрибуҷетии маблағгузории тадқиқоти илмӣ ва рушди байналмилалии илмӣ буд.«Дар давраи ҳисоботӣ   олимони Академияи илмҳои Ҷумҳурии Тоҷикистон 1250 асар, аз ҷумла 166 рисола, маҷмӯаю китобҳо ва 186 мақоларо дар ҷумҳурӣ, кишварҳои ИДМ ва мамлакатҳои хориҷи дур дарҷ намуданд», — афзуд Фарҳод Раҳимов.