50 ҳазор нафар мизоҷон аз маркази гармидиҳӣ истифода мекунанд

Душанбе, 9 январ. (АМИТ «Ховар», Екатерина Пасторова).- Мувофиқи маълумоти Вазорати саноат ва технологияҳои нави ҶТ, блоки якуми маркази гармидиҳии рақами 2 шаҳри Душанбе то охири ҳафтаи ҷорӣ мавриди истифода қарор мегирад. Назар ба хабари манбаъ, алҳол як блоки маркази гармидиҳӣ барои истифода омодааст. Мувофиқи иқтидори лоиҳавӣ маркази гармидиҳии рақами 2 шаҳри Душанбе 50 мегаватт неруи барқ тавлид мекунад, ки барои давраи тирамоҳу зимистон басо зарур аст. Дар оянда ин маркази гармидиҳӣ ба шабакаи ягонаи неруи барқи Тоҷикистон пайваст мегардад. Тавре ки пештар хабар дода шуда буд, барои фаъолияти пурраи маркази гармидиҳӣ ҳар моҳ беш аз 22, 3 ҳазор тонна ангишт зарур аст. Навбати дуюми маркази гармидиҳии рақами 2 шаҳри Душанбе дар давоми соли ҷорӣ мавриди истифода қарор мегирад.