Болоравии қурби доллар ва рубл

Душанбе, 16 январ. (АМИТ«Ховар», Лайло Қосимова). — Дар нуқтаҳои мубодилаи асъори ҷумҳурӣ дар ҳафтаи ҷорӣ қурби доллари ИМА каме баланд шуда, ба ҳисоби миёна дар ҳудуди 4,9345-4,9505 сомонӣ қарор гирифт.  Дар ин давра қурбҳои миёнаи амалиётҳо бо рубли русӣ ва евро низ каме афзуда, ба 0,1469-0,1478 сомонӣ ва 6,6494-6,6660 сомонӣ баробар шуданд. Тавре хадамоти матбуоти Бонки миллии Тоҷикистон хабар медиҳад, 16 январ қурби миёнаи доллари ИМА дар нуқтаҳои мубодилаи асъори шаҳри Душанбе 4,9360-4,9520 сомонӣ, шаҳри Хуҷанд 4,9400-4,9500 сомонӣ ва шаҳри Қурғонтеппа 4,9400-4,9500 сомониро ташкил дод.